Mae popeth a wnawn wedi'i seilio ar y gred bod gan bawb yng Nghymru hawl i gartref da. Rydym yn gweithio i sicrhau bod deddfau, polisïau a phenderfyniadau tai yn cael effaith gadarnhaol ar fywydau pobl amrywiol yng Nghymru ac nad ydynt yn arwain at wahaniaethu ac anfantais. I wneud hyn, rydym yn gweithio gyda Llywodraeth Cymru, y Senedd a rhanddeiliaid allweddol eraill yng Nghymru. Rydym yn ymateb i ymgynghoriadau, yn gwneud sylwadau ar faterion cyfoes ac yn dylanwadu ar randdeiliaid ar bynciau allweddol eraill.
Mae Tai Pawb hefyd yn codi ymwybyddiaeth o faterion tai ac anghydraddoldeb ehangach sy'n wynebu pobl â nodweddion gwarchodedig. Rydym am i ddarparwyr, gwleidyddion, tenantiaid ac eraill fod yn ymwybodol o'r problemau y mae pobl o grwpiau gwarchodedig yn eu hwynebu fel y gallwn weithio gyda'n gilydd i ddod o hyd i atebion. Rydym yn gwneud hyn trwy ymgyrchoedd, cynhyrchu a rhannu ymchwil a chyhoeddiadau, gwneud sylwadau ar faterion cyfoes a'ch diweddaru trwy ein blog sylwadau a dadansoddi a Diweddariadau Cydraddoldeb a Thai.
