Croeso. Ni yw Tai Pawb, elusen Gymreig sy’n ymroddedig i feithrin cynhwysiant yn y sector tai.
Rydym yn dychmygu Cymru lle mae gan bawb yr hawl i gartref da. Mae gormod o bobl yng Nghymru heb rywle i fyw mewn diogelwch, heddwch ac urddas. Mae gormod o bobl yn wynebu rhagfarn, gwahaniaethu ac anfantais systemig wrth gael mynediad at lety addas. Rydym yn benderfynol o newid hynny.
Rydym wedi ymrwymo i sicrhau bod gan bawb, waeth beth fo’u cefndir, fynediad teg a chyfartal at gyfleoedd tai. Rydym yn gweithio gyda’n haelodau, llunwyr polisi a chymunedau i ddileu gwahaniaethu a hyrwyddo arferion cynhwysol. Trwy hyfforddiant, adnoddau, cydweithio, dylanwadu ac eiriolaeth, rydym yn gweithio tuag at amgylchedd tai lle mae amrywiaeth yn ffynnu.
Dewch ar y daith hon gyda ni.
Sicrhau bod tegwch a hawliau dynol yn rhan annatod o bolisïau tai, deddfwriaeth, rheoleiddio, cyllid a phrosesau gwneud penderfyniadau yng Nghymru. Gwneud yn siŵr bod tegwch yn rhan o’r sylfeini ym maes tai a llais y cyhoedd.
Helpu i siapio polisïau, deddfwriaeth, prosesau rheoleiddio a dyluniad systemau fel bod tegwch a hawliau dynol yn cael eu hymgorffori o’r dechrau’n deg. Dod â data, tystiolaeth, ymchwil, profiad bywyd a gwybodaeth ymarferol o’r sector at ei gilydd i ddangos beth sydd angen newid. Gweithio gydag aelodau, partneriaid a chynghreiriaid yn y sector tai ac mewn bywyd cyhoeddus i gryfhau ein dylanwad i gyd gyda’n gilydd.
Y sector tai yn fwy hyderus, galluog ac atebol wrth droi ymrwymiadau sy’n ymwneud â thegwch, hawliau dynol a chyfiawnder cymdeithasol yn arferion bob dydd.
Rhoi i aelodau gymorth ymarferol, pwrpasol ac arloesol a’r arferion gorau sy’n eu helpu i droi ymrwymiadau tegwch yn arferion bob dydd yn y sector tai, o lywodraethu ac arweinyddiaeth i wasanaethau rheng flaen. Helpu’r sector i ddefnyddio tystiolaeth, data, gwybodaeth ac arbenigedd pobl â phrofiad bywyd i ddeall annhegwch, gwella gwasanaethau, cryfhau prosesau gwneud penderfyniadau ac egluro’r achos dros newid. Creu cyfleoedd ar gyfer dysgu gan gymheiriaid, rhannu safonau, cydweithio a datrys problemau ar y cyd, fel y gall aelodau feithrin hyder a sicrhau bod tegwch yn aros yn ganolog i arferion da ym maes tai.
Y bobl y mae annhegwch ym maes tai yn effeithio arnynt fwyaf yn siapio’r penderfyniadau, y gwasanaethau, yr ymgyrchoedd a’r naratifau sy’n effeithio ar eu bywydau.
Hybu profiad bywyd a chefnogi’r bobl y mae annhegwch ym maes tai yn effeithio arnynt fwyaf i siapio newid o ran polisi ac ymarfer. Cynnwys pobl yn ystyrlon, yn foesegol ac yn hygyrch a chefnogi eraill i wneud yr un peth. Cyfuno straeon, tystiolaeth a data i ddangos beth sydd angen newid.
Mwy o sefydliadau, arweinwyr, cymunedau a chynghreiriaid yn cydweithio dros degwch a hawliau dynol ym maes tai.
Cynnull aelodau, partneriaid, arweinwyr, cynghreiriaid a chymunedau. Cynorthwyo mwy o leisiau i siarad yn hyderus dros degwch a hawliau dynol, gan roi’r gallu i bobl a sefydliadau weithredu. Creu naratifau, tystiolaeth a negeseuon cyffredin sy’n helpu pobl i ddeall beth sydd yn y fantol.
Archwiliwch ein hadnoddau aelodau unigryw a gynlluniwyd i gefnogi eich gwaith o hyrwyddo cydraddoldeb a chynhwysiant mewn materion tai, gan gynnwys offer ymarferol, ymchwil, canllawiau ac enghreifftiau o arfer da. Mae adnoddau newydd yn cael eu hychwanegu’n rheolaidd, felly gwnewch yn siŵr eich bod yn dychwelyd er mwyn gweld y diweddariadau.
Rydym ni a’n haelodau bob amser yn chwilio am bobl fel chi. Edrychwch ar y swyddi gwag cyfredol:
