Tai Pawb yw’r unig sefydliad yng Nghymru sy’n meddu ar arbenigedd mewn tai a chydraddoldeb. Mae hyn yn golygu os y byddwch yn derbyn hyfforddiant gennym ni, bydd popeth yn canolbwyntio ar realiti tai yng Nghymru. Mae’r mwyafrif o’n staff wedi gweithio yn y sector tai ac mae ganddyn nhw ddyfnder gwybodaeth yn y ddau faes.

Mae deall cydraddoldeb ac amrywiaeth yn hollbwysig ar gyfer unrhyw un sy’n darparu gwasanaeth, waeth ym mha sector maent yn gweithio. Mae gan ein staff yr arbenigedd sy’n angenrheidiol i helpu eich sefydliad, p’un ai rydych yn y trydydd sector, y sector cyhoeddus neu’r sector breifat.

Mae Tai Pawb wedi bod yn darparu ein harbenigedd i’r sector dai ers 2005, gan ddarparu wybodaeth drylwyr ynglŷn â thai yng Nghymru.

Mae pob un o’n hyfforddwyr wedi cymryd rhan mewn cyrsiau er mwyn datblygu eu gallu fel hyfforddwyr fel y gallwch chi fod yn sicr eu bod yn gwybod sut i gyfleu eu harbenigedd i’ch staff.

Mae modd teilwra holl gyrsiau Tai Pawb i gyfarfod eich hanghenion. Os oes unrhyw faes penodol yr hoffech ganolbwyntio arno, neu os hoffech weld pwnc arall yn cael ei gynnwys, rydym ni bob tro yn hapus i wneud newidiadau lle mae angen.

Mae Tai Pawb bob amser yn ymgeisio i sicrhau bod ein hyfforddiant yn berthnasol i’r rheini sydd yn ei dderbyn. Boed yn staff, yn denantiaid neu’n aelodau’r bwrdd, byddwn wastad yn ymgeisio i wneud ein hyfforddiant mor berthnasol â phosib ar gyfer y gynulleidfa sy’n ei derbyn.

Er mwyn gwella ein darpariaeth hyfforddi, rydym hefyd yn defnyddio hyfforddwyr cefnogol sy’n meddu ar raddfa uchel o arbenigedd mewn cydraddoldeb. Mae ein hyfforddwyr cefnogol yn hynod o brofiadol ac maent yn cynnig yr un safon uchel o wasanaeth y byddech yn ei ddisgwyl gan Tai Pawb.

Nid hyfforddiant yw’r unig beth y mae Tai Pawb yn ei wneud. Rydym hefyd yn cynnig gwasanaethau ymgynghori fel bod modd ffitio’r hyfforddiant i mewn i becyn ehangach o gefnogaeth gennym. Mae hyn yn golygu ein bod ni’n gallu gweithio gyda’ch staff i roi’r sgiliau maen nhw wedi dysgu ar waith yn ymarferol. Rydym hefyd yn cynnig llinell gymorth, sy’n golygu y bydd staff yn gallu gofyn eu cwestiynau ychwanegol eu hunain lle bo angen.

Mae ein holl gyrsiau hyfforddi wedi’u dylunio i gael eu darparu’n fewnol. Mae hyn yn galluogi i’n staff gael eu hyfforddi gyda’i gilydd, mewn awyrgylch cyfarwydd a chyfforddus. Mae’r dull hwn yn arwain at drafod a dysgu gwell. Mae hefyd yn lleihau costau teithio ac amser staff ar gyfer eich sefydliad.